Sen Bong advocacy na mabigyang-trabaho ang maraming action stars

COOL JOE!
ni Joe Barrameda

NAPANOOD namin ang pilot episode ng Walang Matigas Na Pulis sa Matinik Na Misis Season 2. Mas bongga ito at gaya ng ipinangako ni Sen Bong Revilla ay mas pinaganda at kaabang-abang ang mga eksena na may kahalong comedy at mga romantikong eksena pero nangingibabaw ang mga action scene.

Kahit abala si Sen Bong ay hindi niya pinababayaan ang bawat eksena sa action/comedy series. Minsan may aksidenteng nangyari sa set na muntik nang mabulag ang butihing senador. Pero dahil professional ay itinuloy ang taping at ayaw masayang ang malaking gastos ng production.

Malaki ang production at maraming action star ang nabigyan ng trabaho. Ito ang isa sa mga advocacy ni Sen Bong, ang mabigyan ng trabaho ang mga action star natin.

Kaya ‘wag ninyong kalilimutan panoorin ang Walang Matigas na Pulis sa Matinik na Misis.