HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
PINAG-IINGAT ng may-ari ng Lux Slim products ang publiko na bumili lamang sa mga legit seller ng kanilang produkto tulad ng mga Macchiato at Dark Choco dahil nagkalat online ang mga peke nito.
Sa isang media conference na pinangunahan ni CEO/founder ng Luxe Beauty & Wellness Group at Negosyo Goals host, Anna Magkawas, sinabi nitong marami na ang nagmenmensahe sa kanila na nakabibili ng mga pekeng produkto.
Kaya naman agad silang gumawa ng awareness campaign para mapaalalahanan ang publiko at para hindi mabiktima ng pekeng online sellers/scammers.
“Right now, ang gusto nating ipahatid sa mga tao is ano ba ‘yung hitsura niyong mga fake? Kasi iniiwasan natin na ma-ingest, iniiwasan natin na mainom nila ito. Of course, hindi tayo sigurado kung FDA approved ba ‘yung mga ibinigay sa kanila? Hindi tayo sigurado kung safe bang inumin? Dahil kung ang intensiyon po talaga, eh, makapangloko, ‘di ba, baka hindi na rin nila tiningnan noong time na ‘yon kung okay lang bang inumin ng mga tao,” ani Anna.
Ipinakita ni Ms Anna niya ang hitsura ng kahon at sachets ng legit Luxe Slim products at ikinompara sa peke. Ang original products, makapal, matte at matchbox type ang kahon. Ang mga peke naman, mas malapad, manipis, glossy, at walang legit logos at seal ng Luxe Slim.
“Kung kayo po talagang user na niyong product, madi-distinguish n’yo po kaagad na fake po ‘yung ibinigay sa inyo,” giit pa ni Anna.
Sinabi pa ni Anna na laganap at agresibo ang fake sellers lalo na sa Facebook at iba pang social media platforms.
Kaya sa mga consumer, maging mapanuri tayo at ‘wag agad manila. Madaling malaman kung peke ang binibili natin.
Sinabi pa ni Ms Anna na madaling makikilala ang legit page nila sa FB at legit ang mga nabibili sa Shopee at Lazada.
