HATAW! D'yaryo ng Bayan hatawtabloid.com
HATAWAN
ni Ed de Leon
MALI ang hula. Hindi pa man nagsisimula ang Manila International Film Festival na ginaganap sa Los Angeles, USA ay sinasabi na ng mga miyembro ng isang kulto, hindi na mananalong best actress si Ms Vilma Santos sa Amerika.
Sa kanila, walang kuwenta kung manalo si Marian Rivera o si Sharon Cuneta at kahit na si Eugene Domingo pa, basta huwag lang si Ate Vi. May nagsabi pang nag-alay na sila sa kanilang mga anito ng katakot-takot na tinapa at tuyo para masigurong talo si Ate Vi.
Nang malaman ng kulto na hindi sasama si Ate Vi sa LA, ng sabi nila, “kita na ninyo kasi alam niya na ang panalo niya sa Metro Manila Film Festival (MMFF) ay tsamba lang.”
Pero mukhang hindi tumalab ang Voodoo nila kay Ate Vi, dahil sinasabi ngang sa MIFF ay unanimously chosen ang Star for All Seasons bilang Best Actress sa sampung naglabang pelikula. Tantiya pa nila, lalabas na pinakamalaki ang kinita ng pelikula ni Ate Vi sa MIFF dahil jampacked ang mga tao sa lahat ng screening niyon.
Pero totoo nga, malaki ang pagkakaiba ng choices ng jurors sa US kaysa MMFF. Bilang Best Actor ay nag-tie sina Dingdong Dantes at Piolo Pascual na kapwa tinalo ng baguhang si Cedrick Juan sa MMFF. Napili rin nila si Alessandra de Rossi at Pepe Herrera bilang Best Supporting Performers na tinalo ng mga baguhang sina Miles Ocampo at JC Santos dito sa Pilipinas.
Dito ay walang nakuhang award kahit na isa ang Rewind, samantalang doon ay nanalo kahit na paano. Pero may mga insider na nagsabi sa amin na hindi raw naka-abante bilang best actress sina Marian at Sharon na nakakuha lamang ng tig-isang boto. Mabuti pa si Eugene na nakadalawa at lahat nga ng iba ay boto na kay Ate Vi.
Natural masayang-masaya naman si Ate Vi sa nangyari hindi lamang dahil nanalo siya ng award kundi nakita rin niya na pinipilahan ng mga tao ang sinehan na naglalabas ng kanyang pelikula.
Kailangan pa nga nilang magdagdag ng tatlong screenings dahil sa dami ng gustong manood ng pelikula.
Sinasabi nga nila na maaaring magkaron ng isang roadshow presentation sa buong US ang pelikula ni Ate vi, taliwas sa sinasabi nila nang ipalabas sa US ang pelikula ni Bea Alonzo na naging isang malaking flop.
Bumabangon na nga ang pelikulang Filipino. Mabuhay si Ate Vi.
