Kapuso humakot ng award sa Gawad Lasallianeta

HAKOT award ang mga Kapuso sa katatapos na 6th Gawad Lasallianeta.

Wagi si Alden Richards bilang Most Outstanding Film Actor para sa pelikulang Five Breakups and a Romance at Most Outstanding Actress in a Drama si Barbie Forteza para sa seryeng Maria Clara at Ibarra.

Most Outstanding Talk Show and Talk Show Host respectively ang Fast Talk with Boy Abunda at ang King of Talk na si Tito Boy Abunda.

Ang Pepito Manaloto Tuloy ang Kuwento ay kinilala bilang Most Outstanding Comedy Show at ang bida nitong si Michael V bilang Most Outstanding Comedian.

Kinilalang Most Outstanding Entertainment Show ang Family Feud.

Napili naman bilang Zeal for Lasallian Excellence as Public Communicator Awardee sina David Licaucoat direk Mark Reyes.

Wagi ang 24 Oras bilang Most Outstanding News Show at dahil ito na ang ikalimang sunod-sunod na panalo ay tinagurian na rin ang programa bilang Hall of Famer.

Hinirang na Most Outstanding Female News Correspondent si Mariz Umali at Most Outstanding News Male Anchor at Male Documentarist si Atom Araullo.

Si Kara David at ang iWitness ay hinirang bilang Most Outstanding Female Documentarist at Documentary Show.

Ang Unang Hirit at ang mga host nito ang napili bilang Most Outstanding Morning Show at Most Outstanding Morning Show Hosts.

Hinirang ang Kapuso Mo, Jessica Soho at ang host nitong si Jessica Soho bilang Most Outstanding Magazine Show at Most Outstanding Magazine Show Host.

Ang Amazing Earth naman ang napiling Most Outstanding Educational Show samantalang ang host nitong si Dingdong Dantes ay ginawarang Most Outstanding Educational Show Host.

Nanalo ang Born to be Wild bilang Most Outstanding Travel/Lifestyle show habang si Drew Arellanoang kinilala bilang Most Outstanding Travel/Lifestyle show host para sa Biyahe ni Drew.

Hinirang ang Super Radyo DZBB bilang Most Outstanding Digital Radio Station at si Papa Dudut ng Barangay LS 97.1 naman ang kinilalang Most Outstanding Male FM DJ.

Espesyal ang iginawad na parangal bilang Posthumous Awardee sa namayapang news anchor na si G. Mike Enriquez.

Ang mga criteria sa pagpili ng mga awardee ay kung gaano kaimportante at kalaki ang naging impluwensiya nila bilang  communicators at role models sa buong La Sallian community. Hangad ng nabanggit na award giving body na parangalan ang mga personalidad na may malaking kontribusyon sa larangan ng telebisyon, pelikula, radyo, at pagbabalita.