HATAW! D'yaryo ng Bayan hatawtabloid.com
MA at PA
ni Rommel Placente
SA kanyang Instagram account, ibinandera ng actor-politician na si Coun. Alfred Vargas ang cute na cute na photo ng ikaapat na anak nila ng misis na si Yasmine Espiritu, si Aurora Sofia, habang nakabalot sa isang tela at may suot na flower crown.
Caption ni Coun. Alfred sa IG post, “To our dear family and friends, with much love, gratitude and happiness, we proudly introduce the newest member of our family, our little bundle of joy, AURORA SOFIA E. Vargas [pink flower, heart emojis].
“We love you so much Aurora [pink flower emoji],” aniya pa.
Sa comment section, maraming netizens ang nagpaabot ng suporta at congratulatory messages sa mag-asawa. Narito ang ilan sa mga nabasa namin sa comment section.
“Congrats po, ang ganda ganda talaga ng mga babies niyo [red heart emojis].”
“Worth it lahat ng hirap mo during pregnancy mam Yasmine, So pretty ni Baby Aurora [red heart emoji].”
“Ito talaga inaabangan q kasi excited na aqng makita c baby [happy face with heart eyes emojis].”
“Awwwww I’m melting, there is liltle angel here [red heart emoji].”
Noong December 26 nanganak si Yasmine at kasabay niyan ay ibinunyag nila ang ibinigay na pangalan ng bagong miyembro ng pamilya.
Masaya kami para kay Yasmine, dahil nakaraos siya ng maluwalhati sa kanyang pagbubuntis at naisilang niya ng healthy ang kanilang bunso.
Ayon kasi kay Coun. Alfred, nang maka-text namin siya before, naging delikado ang pagbubuntis ni Yasmine, kaya nanatili siya sa ospital ng halos isang buwan. Ito rin ang dahilan kung bakit halos araw-araw ding nasa ospital si Coun. Alfred.
Bale apat na ang mga anak nina Coun. Alfred at Yasmine. Bukod kay Aurora, ang tatlo pang anak ng mag-asawa ay sina Alexandra Milan, Aryana Cassandra, at Alfredo Cristiano.
O, ‘di ba, lahat ng anak nila ay nagsisimula sa letter A ang pangalan? Na gaya ni Coun. Alfred na letter A rin ang simula ng name.
Siguradong napag-usapan at napagdesisyonan nila na lahat ng anak nila dapat ay magsisimula ang pangalan sa letter A.
Congratulations Coun. Alfred and Yasmine sa pagkakaroon ng bagong anak.
