Saturday , April 5 2025
arrest posas

Gun runner, tiklo sa Kankaloo

NASAKOTE ang isang miyembro ng gunrunning syndicate na may sentro ng operasyon sa northern area ng Metro Manila matapos salakayin ng pulisya ang pinagkukutaan sa Caloocan City, kamakalawa ng umaga.

Huli ang suspek na itinago sa pangalang Egay, residente at kuta nito ang bahay na tinutuluyan sa Brgy. 176, Bagong Silang ng nasabing lungsod.

Batay sa ulat  ni P/Maj. Edsel Ibasco, commander ng Caloocan Police Sub-Station 12 at mga tauhan nito, dakong 9:00 am nitong Sabado nang isagawa nila ang pag-aresto sa suspek.

Nakuha sa nasabing lugar ang isang semi-automatic grease gun na may 10 bala ng kalibre .9mm sa magazine.

Sa kanyang ulat kay Caloocan police chief P/Col. Ruben Lacuesta, sinabi ni Maj. Ibasco, nakatanggap sila ng impormasyon na ginawang kuta ni Egay ang naturang lugar para sa pag-aalok at pagbebenta ng baril.

Kaagad nagsagawa ng paniniktik ang pulisya hanggang makakuha sila ng sapat na impormasyon sa taong personal na nakakikilala kay Egay, pati na ang mga criminal records sa ilang mga korte, na kanilang nagamit upang makapag-apply ng search warrant sa hukuman.

Nang maglabas ng search warrant si Caloocan Regional Trial Court (RTC) Judge Glenda K. Cabello-Marin ng Branch 124 nitong 26 Enero 2024, kaagad isinagawa ng pulisya ang sorpresang pagsalakay na nagresulta sa pagkakadakip sa suspek at pagkakakompiska sa baril na walang kaukulang dokumento. (ROMMEL SALES)

About Rommel Sales

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …