HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAPAKALAKI at napakagarbo ng napasyalan naming bago na namang yate ni Willie Revillame sa Manila Yacht Club.
Naipasyal kami noong Miyerkoles sa isa sa apat daw na yate na pag-aari ng host/singer na si Willie na naka-dock sa Manila Yacht Club. Sa aming pagmamasid, ang yate niya ang pinakamalaki at bukod-tanging may helipad at doon naka-land ang kanyang helicopter.
Nilibot namin ang yate at napasok namin ang tatlo sa anim na kuwarto roon na naglalakihan at napakalinis. Bawat isa ay may malalaking telebisyon at may kanya-kanyang CR bukod pa sa common CR bago sa pagpasok sa mga kuwarto. Hindi lang kami sure kung ilan ang kuwarto ng yate. Pero
***Sinasabing mas malaki ito sa yateng naibenta noon ni Willie na milyon ang halaga at may limang bedroom. At tiyak kaming mas malaki ang yateng napasyalan namin sa yate ni dating Gov Chavit Singson.
Ayon na rin sa kapitan na nakausap namin, pang-apat na ang yateng napasyalan namin. Upgrade din ng upgrade si Willie na ang ibig sabihin, ang huli ang pinakamalaki.
Kapansin-pansin di ang sobrang linis ng yate na bago ka makapasok ay kailangang maghubad ng sapatos. Ganoon daw kasi talaga kalinis si Willie kahit sa bahay nito sa Tagaytay na napunthan na ng ilang sa mga kaibigang entertainment press.
At kaya malinis ang yate ay araw-araw na pinalilinis talaga iyon ni Willie. Ayaw kasi nito na makalat at marumi.
At kahit nga sa pinakatuktok ng yate, kapansin-pansin din ang pagka-ayos ng mga gamit at pagkalinis.
Bukod sa yate, helicopter, may mga speed boat din si Willie.
Iba ka talaga Willie, ikaw na!
