Operasyon ng LRT sa Cavite, malapit na

Isumbong mo
kay DRAGON LADY
ni Amor Virata

MALAPIT nang simulan ang operasyon ng Generation 1 at ng Generation 3 ng LRT mula Baclaran patungong Bacoor, Cavite matapos magsagawa ng dry run test sa Generation 2 noong nakalipas na buwan ng Disyembre 2023, ito ang inihayag ng Department of Transportation.

Hindi na mahihirapan ang commuters na taga-Cavite dahil kapag rush hour makikita ang mga pasahero pauwi sa Bacoor at Dasmariñas, Cavite na mahaba ang pila, nakaaawa ang mga workers na galing sa mga trabaho.

Sana matuloy na rin ang LRT patungong Dasmariñas City at Tanza, Cavite.

Si Mayora ng Pasay ang “Babaeng Walang Pahinga”

HINDI yata nakararamdam ng pagod at puro serbisyo ang ginagawa nitong si Mayora Emi Calixto-Rubiano ng lungsod ng Pasay. Kakaiba sa lahat ng mayor sa Kalakhang Maynila si Mayora. Mas gusto niyang personal niyang nakikita ang mga problemang kinahaharap ng kanyang constituents. Saludo ako sa iyo Mayora Emi!