Xyriel mas feel makahalikan ang kapwa babae — feeling ko kasi mas komportable  

MA at PA
ni Rommel Placente

ANG best friend ni Andrea Brillantes na si Xyriel Manabat ay isa sa cast ng Senior High. Inamin ng dating child star na isa sa mga pinapangarap niya ngayon ay ang makagawa ng GL (Girls Love) project o isang seryeng tungkol sa pag-iibigan ng dalawang kapwa babae.

Na-inspire raw kasi siya sa gay love story ng mga karakter nina Zaijian Jaranilla at Miggy Jimenez sa kanilang teleserye.

Kung saka-sakaling bigyan siya ng GL project, bukas si Xyriel sa totoong intimate scene sa sinumang ipapapareha sa kanya.

Pakiramdam ni Xyriel ay mas magiging komportable siya sa kissing scene onscreen kung ang kanyang makakahalikan ay kapwa babae.

“Sabi ko nga dati, kapag nag-aasaran at nagtatanungan kami nina Kuya Zaijian at niyong boyfriend ko, na ‘Okay lang kaya [ako] makipag-kissing scene?’ ganyan.

“Kapag tinatanong sa akin, kung totoo man, kasi ‘yung sa amin ni Archie wala po talagang dumikit doon, clarification lang.

“Kaya feeling ko, kung mag-o-onscreen first kiss scene, gusto ko talaga sa babae. Kasi feeling ko, mas komportable ako kapag ganon.

“Feeling ko, walang ilangan, less issue, and less hassle.”

Ang Archie na tinutukoy ni Xyriel ay ang Senior High co-star niyang si Elijah Canlas.

Kung may offer ngang GL series kay Xyriel, ang gusto niyang makatambal siyempre, ay si Andrea Brillantes.