Enrique to Liza—I love her to death

MA at PA
ni Rommel Placente

NOONG Huwebes, January 4, ay birthday ni Liza Soberano. Nag-upload si Enrique Gil sa kanyang Instagram story ng larawan nila ng aktres bilang pagbati sa 26th birthday nito at isang short but sweet message ang caption niya rito.

Siyempre pa, gulat ang mga tagahanga ng LizQuenn sa  birthday greetings na ‘yun ni Enrique kay Liza dahil sa balitang hiwalay na nga ang dalawa.

Ayon sa binata, mananatili siyang kakampi ng dalaga kahit ano pa ang mangyari.

“Happy Birthday our dear hopie!!! I’ll always have your back no matter what. Wish i was there to celebrate your special day [white heart emoji],” saad ni Enrique.

Noon pa man ay napapabalita nang nagtapos na ang mahigit limang taong relasyon nina Enrique at Liza dahil naging long distance na ang kanilang relasyon matapos magdesisyon ang dalaga na i-pursue ang career sa Hollywood.

Sa kabila ng hindi matapos-tapos na chika ay walang naging pag-amin ang dalawa ukol sa tunay na estado ng kanilang relasyon.

Pinabulaanan pa nga ito ni Enrique noong April 2023 nang tanungin siya ukol sa break up nila ni Liza.

“We’re good, we’re good.

“She’s just really busy with her stuff there. I am going to be visiting her maybe when my schedule clears up. I think she’s coming back here. But yeah, we’re good,” saad ni Enrique.

Dagdag pa niya, “Because Hope [palayaw ni Liza] is in the U.S., she is doing her own thing which I am going to support no matter what. I love her to death.”

Samantala, may unreleased interview daw si Liza na inamin niya na talagang wala na sila ni Enrique pero nakiusap ito na huwag nang ilabas sa publiko.