HATAW! D'yaryo ng Bayan hatawtabloid.com
I-FLEX
ni Jun Nardo
PASKO at Bagong Taon ang ambiance sa TV5 studio last Saturday nang umapir ng live ang Legit Dabarkads sa Eat Bulaga sa pangunguna nina Tito, Vic and Joey para isapubliko muli ang desisyong pabor sa kanila ng Regional Trial Court ng Marikina City kaugnay ng kasong Copyright Infringement at Unfair Competition laban sa GMA at TAPE, Inc..
Ibinahagi ni Tito Sotto ang ilang salient points sa judgment na naglabasan na sa media lalo na sa mga hindi nakapanood sa announcement nila sa Facebook last Friday nang lumabas ang desisyon.
“Ibig sabihin po, agaran ang pagpapatupad nito,” diin ni Tito.
“Ibig sabihin, eh nanalo po tayo!,” sabi ni Vic. “Tayo po ay sumunod sa batas at kumapit sa katotohanan. Isa lang ang sinasabi ng batas at ng manonood, isa lang ang ‘Eat Bulaga!’ Rito ‘yun sa TV 5!” dagdag ni Vic at nagpalakpakan ang studio audience.
“Nagpapasalamat kami sa lahat ng sumuportang legit Dabarkads sa buong daigdig!” sabi naman ni Joey.
“Panalo nating lahat ito! Let’s all move forward!” deklarasyon pa ni Vic.
Samantala, sumunod naman sa hatol ng korte ang TAPE at GMA dahil noong Sabado ay iba na ang gamit nitong title ng show, Tahanang Pinakamasaya at iba na rin ang theme song na gamit.
