Tippy nilinaw ‘di sila humihingi ng tulong pinansiyal

SHOWBIZ KONEK
ni Maricris Valdez Nicasio

IBINAHAGI ni Tippy Dos Santos ang nangyaring aksidente at pagkamatay ng kanyang ina habang nasa South Korea.

Sumakabilang-buhay si Happy Dos Santos, 58, noong December 30 nang magkaroon ng vehicular accident. Nakaligtas naman ang asawa nitong si John Dos Santos.

Ani Tippy, dumating sa South Korea ang kanyang mga magulang noong December 27 para magbakasyon. Sinundo ng isang kotse para dalhin sa kanilang hotel at habang patungo sa hotel ay doon na nagkaroon ng aksidente.

Tinawagan siya ng kanyang ama at doon sinabi ang nangyari sa kanila.

Samantala, nagbigay-mensahe si Tippy para sa lahat ng mga taong nakikiramay at nagluluksa sa pagkamatay ng kanyang ina.

“Although we are unable to respond to each and every one of you, please know that we are grateful. There are really no words to express the devastation and heartbreak the loss of my mom has caused us,” ani Tippy.

Nilinaw din ni Tippy ang ukol sa mga scammer na gumawa ng fake account para manghingi ng pera gamit ang pangalan ng kanyang ina.

Aniya, hindi totoong nanghihingi sila ng tulong pinansiyal para sa pagpapalibing sa kanyang niya.

Sabi naman ng kanyang amang si John, peke ang Go Get Funding account sa Facebook na gumamit sa pangalan at litrato niya na gustong makalikom ng P500,000 para raw sa “burial fund” ng kanyang asawa.

“This is a fake account. I did not set up a go get funding account.

“Someone is trying to take advantage of my wife’s death. Please help me and my family report this. Thank you,” sabi pa ng tatay ni Tippy. 

“It has been brought to our attention that there has been a ‘get funding’ account set up for our mom’s death.

“Please know that our family is not responsible for this, nor any other future attempts at asking for money for this tragedy.

“It is unbelievable that someone is trying to scam people and is using our mom’s death as a means to do so,” post naman sa FB ng mga anak ni misis Happy.