Beauty wa ker kung 2nd choice sa Kampon

SHOWBIZ KONEK
ni Maricris Valdez Nicasio

“I don’t mind.” Ito ang tugon ni Beauty Gonzales sa grand mediacon ng Kampon, entry ng Quantum Films sa Metro Manila Film Festival 2023 na idinirehe ni King Palisoc, isinulat ni Dodo Dayao at mapapanood na simula Disyembre 25 nang matanong ukol sa pagiging second choice.

At dahil tila nadadalas ang paggawa niya ng horror tulad ng Feng Shui 2, Abandoned, at Hellcome Home, tinatawag na siyang Horror Queen lalo’t ang role niya sa Kampon ay dating para kay Kris Aquino. 

“I don’t mind. I really don’t mind. I take it as a challenge ‘coz she’s known to be a horror queen, so to be a second choice, I take it as a challenge na sana, I can do better than her and I can bring my best into this project,” ani Beauty.

Nagpasalamat naman si Beauty kay Quantum producer Atty. Joji Alonso dahil napili siyang gumanap bilang asawa ni Derek Ramsay.

Nangingiti lang si Beauty dahil may love scene sila ng aktor na asawa ng best friend niyang si Ellen Adarna.

“I’m very lucky to be chosen by Quantum Films, they have really highly entertained movies, sobrang ang dami nilang napapanalunan na awards in Metro Manila Film Festival and to be working with Derek Ramsay who’ve won a lot of Best Actor awards is like ‘okay, I’m game!’”esplika ni Beauty.

At ukol naman sa love scene nila ni Derek, “hala, asawa pala siya ng best friend ko, pero sige, I’ll take the challenge. So, I’m happy to be here.”

Pero inamin ng aktres na medyo nakaramdam siya ng pagkailang mabuti na lamang at inalalayan siya ni Derek.

Bukod kina Beauty at Derek, kasama rin sa Kampon ang napakagaling na bata na si  Erin Espiritu gayundun sina Nico Antonio, Al Tantay, Kean Cipriano, at Zeinab Harake.