HATAW! D'yaryo ng Bayan hatawtabloid.com
RATED R
ni Rommel Gonzales
FROM Viva Films, segue tayo sa Vivamax.
Tinanong namin ang isa sa mga bidang aktres ng Haslers, si Angelica Cervantes kung saan siya mas nahihirapan, sa pag-iyak sa harap ng kamera o sa paghuhubad bilang isang Vivamax female star?
Lahad ni Angelica, “Ako po both, honestly…actually… kasi ‘yung nag-throw kami ng ideas kay Ate Quinn, tinanong niya, ‘Sino rito ‘yung topless lang, ayaw ng love scene?’
“Sabi ko, ‘Ako ‘yun, ako na po ‘yun.’ So noong sinabi po ni direk kanina na parang may ini-request siya na i-add na scenes, medyo nag-hesitate po ako kasi wala nga po sa script.
“Eh since ikagaganda naman daw po ng story, ‘Okay, sige papayag na po ako.’ At saka mayroon pong isang araw na puro lang po kami iyak tapos ang sinasabi nila sa akin, ‘Anong nangyayari sa iyo? Hindi ka na naubusan ng luha.’
“Tapos pag-uwi ko po medyo masama po ‘yung pakiramdam ko.”
So ano nga ang mas mahirap para kay Angelica?
“Hubad po,” pakli ng dalaga.
Ang Haslers ay napapanood sa Vivamax simula December 8, 2023.
Nasa cast din sina Denise Esteban, Hershie de Leon, Quinn Carrillo (na siyang scriptwriter), Calvin Reyes, at Marco Gomez, sa direksiyon ni Jose Abdel Langit.
Speaking of Marco, sa tanong din kung saan siya mas nahirapan, “Para siguro sa akin mas mahihirapan ako ‘pag sa sexy kays umiyak,” tugon ng Vivamax male star.
“Kasi iyakin naman ako eh, so hindi naman ako mahihirapan.
“Pero sa sexy sobrang ano ‘yun eh, sobrang sensitive ‘yung eksena, tapos siyempre gusto namin na one take lang or two takes lang if ever, well iyon, mahirap ‘yun.”
