Claudine napaglaruan ng mga bading

HATAWAN
ni Ed de Leon

KAWAWA naman si Claudine Barretto hindi makasingit sa mataas na puwesto  sa ratings ang kanyang serye. Aba eh, ni hindi naman pala sa character niya umikot ang kuwento kundi sa relasyon ng mga bakla. Mukha nga raw gay series ang serye niya.

Bakit naman sa itinagal-tagal nabakante si Claudine nang mabigyang muli ng serye, mga gay character pa ang kasama. Kung pinag-drama na lang nila si Claudine baka sakali pa.Tingnan nga ninyo noong araw kahit na gawin pa siyang sirena top rated pa rin ang kanyang show eh ngayon paano  nga ba aasahang maging top rater iyan eh kuwento pala ng mga bakla iyan.

Malakas lamang ang mga bakla sa showbiz sa kabuuan ng bansa mahina pa ang tinatawag na “pink force.” 

Ayon sa survey, ang mga aminadong bakla lamang sa PIlipinas ay nasa 10%. Sa ginagawa nila, sinusugalan nila ang 10% at itinatapon ang 90% ng kanilang audience.

Kawawang Claudine napaglaruan ng mga bading.