HATAW! D'yaryo ng Bayan hatawtabloid.com
COOL JOE!
ni Joe Barrameda
ILAN taon din palang hindi nagkakausap sina Mark Anthony Fernandez at Jomari Yllana. Nagtampo raw si Mark kay Jomari pero hindi niya sinabi ang dahilan at malalim ito. Hindi politics ang ugat ng away nila at never naman na nagkasama sila sa isang partido.
Pero okay na sila ni Jomari after mag-reach out sa kanya ito. Kaya puwede na silang magsama muli sa isang project. Si Mark ay nakausap namin sa mediacon ng Viva produce, ang Para Kang Papa Mo.
Natutuwa si Mark sa tiwalang ibinibigay sa kanya ng Viva at sa poster ng movie na ito ay mukha lang niya ang nakabalandra roon. Kaya wish niya na magtuloy-tuloy ang maganda niyang career.
Sa movie na Para Kang Papa Mo ay kasama niya si Ruby Ruiz na sobra ang paghanga at pagkilala sa magandang achievement lately bukod sa isang Hollywood movie na kasama niya si Nicole Kidman. Pero sa achievment ni Ruby ay hindi siya nagbago ng pag-uugali at nakatapak pa rin sa lupa ang paa niya.
Sa pagkakaintindi ko ay isa siya sa resource person sa mga acting workshops. Hindi na ako magtataka na gaya ni Dolly de Leon ay sisikat din siya sa Hollywood.
