HATAW! D'yaryo ng Bayan hatawtabloid.com
MA at PA
ni Rommel Placente
SA isang panayam kay Jane de Leon, inamin niya na nasa dating stage siya ngayon. At non-showbiz ang lalaking nakaka-date niya.
“As of now, happy naman ako. I am actually dating someone. Non-showbiz guy and let’s just leave it at that to protect his privacy.
“Basta my heart is happy. Nasa dating stage ako ngayon at hindi ko naman idini-deny ‘yun. And I think I want to keep it private lang so, bahala na sila kung sino siya (idine-date). Ha-hahaha!” natatawang sabi ni Jane.
Si Janella Salvador ang itinuturing ngayon ni Jane na best friend. Nagsimula silang maging malapit nang magkasama sila sa dating serye ng ABS-CBN na Darna.
Okey lang kay Jane na gumawa sila ng best friend niyang si Janella ng isang lesbian movie o Girl’s Love series in the future kung mabibigyan ng pagkakataon.
Pero ano ang masasabi ni Jane na may mga taong nagbibigay ng malisya sa friendship nila ni Janella at sinasabing baka raw may secret relationship na sila nito.
“Kami naman ni Janella, pareho kaming natutuwa sa suportang ibinibigay ng mga tao sa friendship namin. We don’t mind kung sinasabing bagay kaming love team.
“We interact with the fans na natutuwa sa amin, kaya siguro minahal din nila ang friendship namin. Siguro, sa mga LGBT, they fantasize us and it’s okay lang. If maibibigay ba namin ang kaligayahan nila, why not?” aniya pa.
Kung may mag-offer nga sa kanila ni Janella ng isang lesbian-themed project, okey lang ba sa kanya o sa kanila ni Janella?
Sagot ni Jane, “We’ve talked about and we’re open about the idea.
“Basta maganda ang story at maayos ang pagkakasulat ng script, sige, go. Trabaho pa rin naman ‘yun and people now are so open-minded about these things.”
