Ruru pasado sa pagiging metikuloso ni Ipe

I-FLEX
ni Jun Nardo

BUHOS ang magagaling na veteran action stars sa action series ni Ruru Madrid na magsisimula sa GMA Primetime ngayong gabi, ang Black Rider.

Dumalo sa mediacon sina Raymart Santiago, Monsour del Rosario, Zoren Legaspi habang wala naman sina Roi Vinzon, Kier Legaspi at yes, ang mentor ni Ruru na si Phillip Savador matapos ang mahigit isang dekada.

Noong reality talent search na Protégé taong 2011, naging mentor ni Ruru si Phillip. Hindi man pinalad maging grand winner, sabi ni Ipe, “Kung hindi siya magaling, hindi siya si Black Ride ngayon.”

Choosy sa projects si Phlilip kaya naman tinaggap niya ang GMA Public Affairs series dahil gusto niyang makasama muli si Ruru.

Dagdag na sabi pa ni Ipe kay Ruru, “Hindi puwedeeng guwapo ka lang, kailangan mayroon kang alam. Kailangan alam mo ang gagawin mo!”

Sa series, lalabas bilang si Mariano si Kuya Ipe na magtuturo ng self defense at martial arts sa karater ni Ruru bilang si Elias Guerrero.

Naku, metikuloso at magaling na artista si Phillip kaya alam naming malaki ang nagawa niyang  tulong kay Ruru sa bago niyang series.