Ate Vi gagawa sa Viva

HAPPY, happy birthday today, November 3, sa isa sa itinututing naming kaibigan sa showbiz, si Vilma Santos-Recto, ang Ate Vi ng lahat.

Ang dating manager ni  Ate Vi, ang namayapang si Wiliam Leary ang isa sa dahilan kung bakit napalapit kami sa kanya.

 Idagdag pa natin ang TV executive na si Chit Guerrero na naging malaki ang bahagi sa buhay ni Vilma sa telebisyon, ang pumanaw na ring si Ate Aida Fandialan, kanyang Ate Emily.

Nang pasukin ni Ate Vi ang politika, naging katuwang niya rin kami lalo na kapag nagpapaimbita ng press sa kanyang malalaking events sa Batangas.

Now, aktibo at mabenta pa rin sa showbiz at endorsements si Ate Vi. Kaya sa kaarawan niya, wish niyang bumalik ang sigla ng local movies at ang festival movie niya with Christopher de Leon ang handog nila sa manonood.

Marami nang beses na naming nakita si Vilma na masaya, malungkot, at umiyak. Pero nananatili siyang matapang sa hamon ng buhay.

Isang ugali ni Ate Vi ang kapag pinagkatiwalaan ka niya, huwag mong sirain ito at makakasama ka niya nasa showbiz pa man siya o wala na.

Ang isang balita nalaman namin kay Ate Vi, magbabalik-Viva siya sa isang pelikulang gagawin after ng iba niyang commitments. 

Malaki ang parte ng Viva sa buhay ng isang Vilma Santos pati na ang Regal Films kaya basta maganda ang kuwento, hindi puwedeng hindi niya pagbigyan ang dalawang malaking producers ng local films.

Happy, happy birthday, Ate Vi!!!