HATAW! D'yaryo ng Bayan hatawtabloid.com
SUGATAN ang 10 katao sa insidente ng banggaan ng isang sports utility vehicle (SUV) at isang pampasaherong jeepney sa Brgy. San Antonino, sa bayan ng Burgos, lalawigan ng Isabela nitong Sabado, 21 Oktubre.
Ayon kay P/Maj. Jonathan Ramos, hepe ng Burgos MPS, nag-overtake ang SUV patungong bayan ng Roxas, ngunit nabunggo ang kasalubong na jeepney.
Dahil sa lakas ng tama, bumangga rin ang jeepney sa isang tindahan sa gilid ng kalsada.
Nasaktan at nasugatan ang 10 katao sa mga lulan ng dalawang sasakyan at nilapatan ng pang-unang lunas.
Pinaalalahanan ni Ramos ang lahat ng mga motorista na mag-ingat sa pagmamaneho at sumunod sa mga batas trapiko.
