HATAW! D'yaryo ng Bayan hatawtabloid.com
RATED R
ni Rommel Gonzales
ANG bongga naman ng Maging Sino Ka Man dahil magiging guest nila ang nag-iisang Alice Dixson.
Siyempre naman, may mga eksena si Alice sa nabanggit na special limited series na bida sina Barbie Forteza at David Licauco.
Sikreto pa kung ano ang role ni Alice, pero sa isang eksena ay makikitang may hawak na baril si “I Can Feel It” girl.
Mukhang mapapasabak sa mga action scene si Alice sa cameo appearance niya na for sure ay keri niya bilang athletic naman ang magandang aktres.
Noong araw nga, naging wish namin na gumanap si Alice bilang Darna sa pelikula pero hindi iyon nangyari, bagkus ay naging Dyesebel siya na isang certified blockbuster movie ng Regal Films.
At dahil sa pelikulang iyon ay naging crush ng bayan si Alice na pagkaganda-ganda at napakaseksi.
Samantala, patuloy na napapanood ang action series weeknights, 8:00 p.m. sa GMA, I Heart Movies, at Pinoy Hits. Napapanood din ito sa GTV 9:40 p.m..
