HATAW! D'yaryo ng Bayan hatawtabloid.com
COOL JOE!
ni Joe Barrameda
BONGGA ang pag-welcome ng All Access to Artist kay Carla Abellana na maging isa sa kanilang pool of talents.
Ayon kay direk Mike Tuviera, President at COO ng Triple A ay very careful sila sa pagtanggap ng mga talent at hindi sila sa number of talents. Mas okey ang kaunting talents at mas natututukan nila ang bawat isa at nabibigyan nila ng tamang proyekto.
Si Carla ay dating nasa pangangalaga ng Luminaire Talent Agency na isa rin si Tom Rodriguez sa mga talent doon. Kaya marami ang nag-speculate na kaya umalis si Carla roonay para makaiwas kay Tom.
Pero itinanggi ito ni Carla at kung ‘yun ang rason ay matagal na siyang nagpaalam kay Popoy Caritativo. Maayos ang pamamaalam ni Carla kay Popoy at wala silang samaan ng lob ng dating manager at gusto niyang sumubok ng ibang management.
May gusto pang ma-achieve si Carla.
Wish ni Carla na makasama sa mga project ang mga talent ng Triple A gaya nina Marian Rivera at Maine Mendoza.
Nangangarap din siyang makasama si Piolo Pascual sa isang project.
Buwan ng Mayo pa pala nag-expire ang contract niya sa GMA at ongoing ang negotiation. Itianggi niyang may offer ang Batang Quiapo na makasama siya sa nasabing programa.
Hindi pa siya handa na magkasama sila ni Tom sa isang programa although napatawad na niya ito.
Inamin naman ng drama goddes na maraming non-showbiz na nagpaparamdam sa kanya. Pero wala siyang love life sa ngayon.
Hangang-hanga sa kanya ang press people sa pagiging straight at prangka. Walang hindi niya sinagot sa bawat tanong na ibinato sa kanya ng mga kasamahan sa panulat.
