Birthday party ni Bong pinutakti ng mga politiko at artista

COOL JOE!
ni Joe Barrameda

BONGGA ang birthday celebration ni Sen Bong Revilla sa Grand Ballroonm ng Okada Casino Hotel. Punompuno ng tao from the political at showbiz world na ginagalawan ni Bong for so many years plus mga personal friends. Maski ang top executives ng GMA 7 at ABS-CBN ay in attendance at full of praises sa celebrators. Nagpapakita lamang na maraming nagmamahal sa kanya. 

Sa nasabing celebration ay maraming Kapuso artists ang nagbigay ng kani-kanilang number sa programang inihanda ng kabiyak na si Cong. Lani Mercado. Ang inaasahan naming surprise sa nasabing pagdiriwang ay ang Pangulong Bongbong Marcos at ang butihing asawa nitong si First Lady Liza Araneta Marcos. Pero no show at sigurado akong may naunang natanguang apointment. Malapit na magkaibigan sina Bong at PBBM. 

Humabol naman ang pinsan ng pangulo na si Speaker Martin Romualdez. Halos lahat ng senador natin ay in attendance gayundin ang mga kongresista.

Si Sen. Manny Pacquiao ay dumalo rin at as usual ay pinagkaguluhan ng mga bisita para magpa-picture. Very gracious naman ang Pambansang Kamao na mapagbigyan ang lahat. Ganyan kabait ang Philippine pride at kahit pagod na ay nakangiti pa rin.

Halos 12 midnight na nag-umpisang umuwi ang mga bisita. Napakasaya ng party at satisfied naman lahat sa pagkaing inihanda ng Okada Casino Hotel.