Female star pika na kay male star na tamad mag-promote ng kanilang series

I-FLEX
ni Jun Nardo

NABUBUWISIT na raw ang isang female star sa kanyang ka-loveteam dahil sa pagiging tamad nitong tumulong sa promotions ng series na kinabibilangan nila.

Sumasagot naman si male star kapag sinasabihan na may promo sila ng ka-loveteam niya.

Pero sa last minute, laging nagbe-beg off si male star. Laging niyang iniiwan sa ere ang ka-loveteam na mag-isang nagpu-promote ng series nila.

Kaya si female star, kapag alam niyang magsasama sila ng ka-lovetam sa promo, gumagawa ng dahilan para hindi rin siya makapunta sa guesting nila, huh.

Nawawalan na raw kasi ng gana si female star sa katamaran ng ka-loveteam.