Jake ratsada sa kabi-kabilang show, puso ‘di pinababayaan 

I-FLEX
ni Jun Nardo

NAGHAHANDA na si Jake Cuenca para sa finale ng Iron Heart na kukunan sa Japan matapos nilang mag-shoot sa Italy.

“Na-pressure sila! Ha! Ha! Ha! So we have to do a better finale. It’s gonna be crazy. This is gonna be the biggest fight that we’ll gonna shoot so far!” balita ni Jake nang makausap ng ilang media sa intimate interview.

Malungkot man siya dahil magtatapos na ang Iron Heart extended naman ang sitcom niyang Jack En Jill sa TV5.

Ang sitcom lang nila ni Sue Ramirez ang binigyan ng extension ng TV 5 na show. “Kai-start pa lang namin ng second season, extended na agad ang sitcom. Wow!” masayang sabi pa ng aktor.

“We wanna show something na first sa television! Mano-mano, swords and we are already rehearsing our fights!”saad pa ni Jake.

Punompuno na ang schedules ni Jake. Gusto pa niyang gumawa ng kakaibang play para sa kanyang birthday bago matapos ang taon. May isa pa siyang series na gagawin.

“Nakapag-rest na ako ng ilang taon noong pandemic.  Invigorated na. Now, I know may talent now!  I’ve to embrace this industry!

“So, it’s time to work, work and work!” diin niya.

Eh kumusta ang lovelife naman niya sa pagiging busy?

“I am only seeing one person. Marami siyang gustong mangyari sa career niya. She works so hard! I’m just here for her,” sey niya na ang tinutukoy ay si Chie Filomena.