Marimar dance moves ni Marian sa Tiktok inaabangan

I-FLEX
ni Jun Nardo

NAKATAYO man o nakaupo, naku, patuloy na inaaliw ni Marian Rivera ang followers niya sa Tiktok sa bagong sayaw na inilabas niya habang waiting sa susunod niyang eksena sa shooting.

Take note, nakaupo si Marian habang sinasayaw ang Cake Dance Challenge para sa Tiktok. Ipinost niya ang kanyang video sa Tiktok na may caption na, “While waiting for my scenes. I’ll keep the energy high with some Tiktok dances moves!

“Naks Tiktoker na ako!”

Samantala, inanunsiyo ng Star Cinema na magsisimula na ng shooting ang Metro Manila Film Festival movie nina Marian at asawang Dingdong Dantes na Rewind.

Of course, dahil sa Tiktok nagpapamalas ng dance moves, patuloy pa ring umapela ang fans at followers niya rito na gawin naman ang Marimar dance moves na ginawa at nagpasikat sa kanya noon.

Sagot naman ni Yan, “Soon!”