HATAW! D'yaryo ng Bayan hatawtabloid.com
RATED R
ni Rommel Gonzales
Para kay ER Ejercito si Barbie Forteza ang next Nora Aunor o Vilma Santos.
Ayon pa rin sa dating gobernador ng Laguna, ang loveteam nina Barbie at David Licauco ay maikukompara sa tambalan noon nina Nora Aunor at Tirso Cruz III na Guy and Pip.
“Grabe naman po ‘yun, Gov,” ang unang reaksiyon ni Barbie sa sinabi ni ER.
“Paano ko ba sasagutin ‘to?
“Naku po, dalawa po ‘yun sa pinaka-iniidolo ko sa industriya natin. So, siguro nagpapasalamat na lang ako dahil sa isang very iconic actor like gov na mapansin ‘yung trabaho ko is such a fulfilling moment for me. Enough na ‘yun, masyadong mataas ang Ms. Nora at Ms. Vilma.
“I’m just happy na some of our respected actors today ay napapansin ang trabaho natin, ‘yun na lang po, maraming salamat po.”
Kumusta ang mga actions scene nila? Sila ba ni David lahat ang gumagawa o may stunt double sila?
“Secret po,” at tumawa si Barbie. “Basta gusto ko lang po i-commend ang dedication and effort ni David to pull off his character.
“Kung hindi po ako nagkakamali, he insisted on attending personal acting workshops, stunt workshop, training, yes, which he insisted personally.
“So knowing a guy like him na sobrang busy, will really make time para mas ma-improve ‘yung craft niya, and mas ma-pull off ng maayos ‘yung character niya sa project na ‘to, so just so proud of him for doing that.”
Dagdag pa ni Barbie, “I’m just really excited dahil ang ganda po ng kinalabasan ng lahat ng ginawa namin, ‘yung pinaghirapan namin sobrang ganda ng outcome, so sobrang overwhelmed siguro and sobrang excited na finally maipalabas na sa TV.”
Kasama rin dito sina Juancho Triviño, Faith Da Silva , Mikoy Morales, Rain Matienzo, at sina Jeric Raval, Jean Saburit, Juan Rodrigo, Antonio Aquitania, at Jean Garcia.
