KMJS nominado sa Asia Contents Awards;  Facebook followers 30M na 

RATED R
ni Rommel Gonzales

MULI na namang itataas ng Kapuso Mo, Jessica Soho (KMJS) ang bandera ng Pilipinas sa international scene. Nominado ito sa 2023 Asia Contents Awards & Global OTT Awards para sa Sugat ng Pangungulila story nito sa kategoryang Best Reality and Variety. 

Ito rin ang kuwentong nag-uwi ng Gold World Medal sa 2023 New York Festivals. Bongga ang KMJS dahil ito lamang ang Philippine nominee sa nasabing category. Kapwa nominado ng KMJS sa kategoryang ito ang mga programa mula sa Korea at Vietnam. Sa Oktubre iaanunsiyo ang winners at gaganapin m sa Busan, Korea.

Online, nananatili ang KMJS na most followed Philippine TV program sa Facebook. Pumalo na nga sa 30 million ang followers ng programa sa nasabing social media platform. 

Dasurv naman talaga ng KMJS ang mga award at milyon-milyon nitong followers. Tuwing Linggo, pinagbubuklod nito ang pamilyang Filipino para sa mga kuwentong talaga namang very entertaining, inspiring, at educational. 

Congratulations sa well-deserved achievements, KMJS.