KSMBP sumawsaw sa usaping MTRCB, Vice Ganda, Ion Perez

I-FLEX
ni Jun Nardo

NAKU, may bagong sumawsaw  na characters sa issue ng It’s Showtime suspension.

Ayon sa report, ito ay ang social media broadcasters na Kapisanan ng Social Media Broadcasters ng Pilipinas, Inc. (KSMBP).

Nakipag-meeting na sila kay MTRCB Chair Lala Sotto at nagsampa pa sila ng kasong criminal laban kina Vice Ganda at partner na si Ion Perez.

Si Atty. Leo Olarte ang kinatawan ng KSMBP at sa Quezon City prosecutor isinampa ang reklamo ng violation of Article 201 ng Revised Penal Code na may kinalaman sa Section 6 ng Artcile 201 na may kinalaamn sa Republic Act 10175 o Cybercrime Prevention Act of 2012.

May kinalaman ito sa cake-icing incident sa It’s Showtime noong July 26, 2023.

Humahaba ang usaping It’s Showtime na napapanood pa rin ng live sa GNTV, huh!