KC gustong muling maging best friend ang inang si Sharon

MA at PA
ni Rommel Placente

SA guesting ni KC Concepcion sa Updated With Nelson Canlas, tinanong ni Nelson Canlas ang anak ng ex-couple na sina Sharon Cuneta at Gabby Concepcion na kung may parte ba sa buhay nito na gustong i-rewrite? 

Nabanggit kasi ni KC na plano niyang isulat ang kanyang talambuhay.

“Wow, big question, ha, hahaha,” natatawang sabi ni KC.

Patuloy niya, “Of course there are! You know I wish I really would like for my mom and I to be best friends again.There’s a lot of years that have gone by na siyempre may mga destruction kami, and I know later on in life, we would be better than ever.

“Hindi mawawala ‘yung pagmamahal namin sa isa’t isa and one day ‘pag ikinasal na ako at ‘pag nagka-anak na ako,I would like to have children in the future, I think that would bring my mom and I closer than ever, and I want her to know na mahal na mahal ko siya, and loyal ako sa kanya, nanay ko siya! Dugo niya dugo ko, so alam mo ‘yun? Kaya excited ako for the concert kasi hindi ko talaga ini-expect at kaya siguro ako nandito (sa Pilipinas),” paliwanag pa KC.

Ang concert na tinutukoy ni KC ay ang pagsasamahan ng kanyang mga magulang na gaganapin sa October 7.