HATAW! D'yaryo ng Bayan hatawtabloid.com
RATED R
ni Rommel Gonzales
BUKOD sa pag-aartista ay regular na raket ni Joross Gamboa ang pagba-basketball sa iba’t ibang sulok ng Pilipinas at maging sa ibang bansa.
Tinanong namin si Joross kung ano ang mas matimbang sa kanya ngayon, basketball o pag-aartista?
“To be honest po, ang first love ko talaga is basketball! Nag-varsity ako noong high school, college naglalaro ako kaya lang nag-Nursing ako kaya natigil ‘yung pagba-basketball ko.
“And noong nag-college ako nakita ko ‘yung height ko sabi ko, ‘Ay, mag-aartista na lang ako!’
“Hindi, joke lang. So lahat naman ano eh, ibinibigay ng Diyos, minsan ibinibigay ng Diyos hindi kung ano ‘yung gusto mo, eh.
“Kung ano ‘yung kailangan mo.
“So rito sa pagiging artista mas lumawak ‘yung pananaw ko sa buhay kasi we are privileged to experience different situations, to act.
“Kumbaga we are living the lives of everyone, kami ang nagpo-portray ng mga story ng bawat isang tao rito sa mundo kaya sobrang nakatutuwa, nakatataba ng puso and we are blessed and thankful.”
Napapanood si Joross bilang si Brendan sa The Missing Husband ng GMA kasama sina Yasmien Kurdi bilang Millie at Rocco Nacino bilang Anton.
Nasa The Missing Husband din sina Jak Roberto bilang si Joed, Sophie Albert bilang Ria, Nadine Samonte bilang Nona, Michael Flores bilang Banong, Shamaine Buencamino bilang Sharon, Maxine Eigenmann bilang Leila, Cai Cortez bilang Glenndolyn, Patricia Coma bilang Arya, at Bryce Eusebio bilang Norman, sa direksiyon ni Mark Reyes.
