Enzo Pineda naka-focus muna sa career bilang paghahanda sa kasal nila ni Michelle Vito

ALAM MO NA!
ni Nonie Nicasio

KABILANG Sina Enzo Pineda at Michelle Vito sa sumuporta sa launching ng Los Angeles-based trimmer na Meridian na ginanap recently sa Eastwood Mall, Atrium.

Ipinahayag ni Enzo na sobra siyang bilib sa produktong Meridian.

Wika ng aktor, “The CEO is our friend, matagal na kaming magkakilala.”

Pagpapatuloy ni Enzo, “I really like the product, kasi to be honest, kapag bumibili ako ng mga shaver, trimmer, parang after one month, two months na gamitan, parang pangit na, you can throw it na.

“At least itong Meridian, it’s something new here in the Philippines, we’re presenting a new era of personal grooming.

“Kasi napakatibay ng product, water proof, less nicks… nicks meaning, ‘yung nasusugatan ka kapag nagshe-shave ka.

“Ako, it happens to me all the time, ‘yung nakaiinis dahil gusto mo clean look ka, the next day mayroon kang big event, tapos pagpunta mo may dugo ka rito, may dugo ka roon…

“So itong product na ito, walang nicks, zero talaga, sobrang tibay and I hope that everyone can support it,” mahabang saad ni Enzo at idinagdag pang, ang Meridian ay isang confidence booster talaga.

Sa naturang event din, inusisa namin si Enzo kung handa na ba silang magpakasal ni Michelle.

Three years na ang relasyon ng dalawa at aminado ang aktor na napag-uusapan na rin nila ni Michelle ang hinggil sa kasalan.

Esplika ni Enzo, “Siyempre depende sa tamang timing para sa aming dalawa, but definitely lagi naming pinag-uusapan, ‘Paano kung ikinasal tayo? Ilang kids ba ang gusto namin, someday…”

“So definitely it’s in the topic, but right now, naka-focus po kami sa business namin.”

Pahayag ng aktor, “So besides sa pag-aartista, we have different businesses, food stall, mga beauty products…

“So, para sa akin ipon muna, para at least kapag ikinasal na kami, when the time is right, at least everything is set.”

Ipinahayag ni Enzo, handa siyang pakasalan si Michell anomang oras, ngunit gusto nila talagang paghandaang mabuti ang pagkakaroon ng sarili nilang pamilya.

“Any time naman puwede, pero iba pa rin ‘yung kapag tamang timing lahat. Everything is set, everything is perfect. Kung minadali mo, ang hirap din naman na hindi kayo prepared for the house or for your kids, and or your family.

“Iyon ang iniiwasan namin, so as much as possible, you have to be prepared,” sambit ng aktor.