HATAW! D'yaryo ng Bayan hatawtabloid.com
ALAM MO NA!
ni Nonie Nicasio
GAGANAP si Angelica Hart sa mapaghamong papel sa seryeng Secret Campus ni Direk Jose Javier Reyes. na mapapanood na sa Vivamax sa August 27.
Dito’y isang babaeng kapit sa patalim ang mapapanood sa kanya, na napilitang gumawa ng mga bagay na labag sa kanyang kalooban para lang maka-survive sa mga dagok at pagsubok ng buhay.
Bukod kay Angelica, tampok sa serye sina Azi Acosta, Ataska, Angela Morena, at Armina Alegre. Kasama rin dito sina Ali Asaytona, Victor Relosa, Enzo Santiago, at iba pa.
Ano ang role niya sa Secret Campus?
Tugon ni Angelica, “Ang role ko po ay si Clea, isang working student na gumagamit ng iba’t ibang paraan para kumita ng pera sa kadahilanang gusto niyang mapag-aral ang kanyang sarili.
“Hindi ito gusto ni Clea, kulang lang siya sa kaalaman sa buhay dahil wala rin ang magulang niya para gumabay sa kanya, kaya napunta siya sa mga maling desisyon sa buhay.”
Sinabi rin ng Vivamax sexy star kung gaano siya ka-daring sa kanilang serye.
Aniya, “Actually, eto daring po talaga ang mapapanood sa akin, kasi bukod sa working student, ako ay nagla-live show din dito and nagpapa-booking. So, may lima akong naging ka-love scenes dito sa serye namin na kaabang-abang po talaga.”
Nabanggit din ng maganda at flawless na talent ng dating Viva Hotbabe na si Maricar dela Fuente kung bakit Secret Campus ang title nito.
Sambit ni Angelica, “Kasi po, apat na matatapang na babae ang gaganap sa series na ito at apat na iba’t ibang masamang karanasan at mga sikreto sa campus na hindi nabibigyan ng pansin ang mapapanood po rito.
“Dapat nilang abangan ito kasi, sigurado akong maraming mapupulot na aral ang manonood nito.”.
After ng Secret Campus, naikuwento rin ni Angelica na ang susunod niyang gagawin na project ay isang love story naman at siya ang lead actress dito.
