HATAW! D'yaryo ng Bayan hatawtabloid.com
ALAM MO NA!
ni Nonie Nicasio
HATAW to the max ngayon ang showbiz career ng magandang aktres na si Ava Mendez.
Kung noon ay sa Vivamax siya madalas napapanood, ngayon ay lumalabas na rin ang seksing-seksing talent ni Tyronne James Escalante sa iba.
After siyang mapanood sa Batang Quiapo na pinagbibidahan ni Coco Martin, si Ava ay nag-shooting din para sa pelikulang Road Trip. Kasama rin ang aktres sa pelikulang Offload.
Kuwento ni Ava, “Mayroon po akong project for Mavx Production na ipalalabas sa Netflix Originals. Ang title po ng movie ay Road Trip po, kasama ko rito sina Patrick Garcia, Kaye Abad, and Paolo Contis.
“Iyong sa Offload movie po, kasama ko naman dito sina Allen Dizon, Angel Guardian, Vance Larena, Andrew Gan, at marami pang iba. Bale, mapapanood po sa cinemas at entry po ito sa festivals sa Korea.”
Dagdag ng aktres, “Kalalabas ko lang din po sa Batang Quiapo and Wish ko lang last month.”
Nabanngit din ni Ava na sobrang happy niya dahil pang-Netflix na rin siya ngayon.
Aniya, “Sobrang happy po ako and excited at the same time, dahil first appearance ko po ito, first time na mapapanood ako sa Netflix. Katatapos ko lang po mag-shoot dito.”
“Yes po, first time kong magkaroon ng project sa Netflix. Hopefully po ay magtuloy-tuloy na po sana ito. And sana po ay hindi lang sa online streaming ako mapanood, kundi maging sa big screen din,” masayang wish ni Ava.
