Yassi excited magpa-arangkada ng motor

RATED R
ni Rommel Gonzales

SI Yassi Pressman ang magiging leading lady ni Ruru Madrid sa upcoming GMA Public Affairs action series na Black Rider.

At dahil maaksiyon ang serye, ang paggamit at pagpapaputok ng baril ang ilan sa paghahanda ni Yassi para sa bagong proyekto.

Ayon sa aktres at social media star, excited siya sa kanyang pagbabalik-Kapuso at sa kanyang role bilang si Vanessa.

“Feeling ko po magiging challenging po siya for sure. Maraming mga motor. Action. ‘Yung character din po ni Vanessa kasi hindi ko pa po siya nagawa noon,” pahayag ni Yassi.

Sinabi rin ni Yassi na natutuwa siyang makatrabahong muli si Ruru.

“As an actor din po, dahil napapanood ko rin  ‘yung ‘Lolong’ siyempre na-excite rin po ako makita kung ano po ang magagawa namin together,” anang aktres.

Magkatambal din sina Yassi at Ruru sa pelikulang Video City. Dati na rin silang nagkasama sa Kapuso thriller series na Dormitoryo noong 2013.

“Ten years ago na rin pero nandoon pa rin ‘yung trust namin sa isa’t isa bilang magkatrabaho,” ayon kay Ruru.

“Na-feel namin ‘yun sa ‘Video City’ and I’m sure rito sa ‘Black Rider’ ibang timpla naman ‘yung maipakikita namin kumbaga ng team up naming dalawa.”

Kasama rin sa Black Rider sina Kylie Padilla, Matteo Guidicelli, Jon Lucas, Rainier Castillo, Katrina Halili, Zoren Legaspi, Gladys Reyes, Empoy, Jayson Gainza, Janus del Prado, at marami pang iba.