E.A.T. ipinatawag din ng MTRCB

HATAWAN
ni Ed de Leon

NAYARI rin ang E.A.T.. Off camera naman siya, kaya lang narinig din na napamura si Wally Bayola. Wala naman sinabing dahilan kung bakit siya  biglang nakapagmura, pero nag-apologizee na si Wally sa publiko.

At ang inaasahan siguro niya dahil off camera siya ay wala na rin siyang mic. Pero naka-on pa.

Ipinatawag ng MTRCB (Movie and Television Review and Classification Board) ang mga producer ng show para magpaliwanag sa nangyari. Pero palagay namin ganoon din ang kanilang magiging paliwanag, isa iyong technical glitch dahil hindi pinatay agad ang mic ni Wally kahit na siya ay off cam na.