Para sa mga biktima ng bagyong Egay  
P30-M DONASYON NG EUROPEAN UNION SA PH

NAGBIGAY ang European Union ng mahigit P30 milyong halagang tulong para sa mga biktima ng bagyong Egay sa Filipinas at para masuportahan ang ‘relief efforts’ ng bansa.

Ayon sa EU layunin ng naturang pondo na makapagbigay ng life saving assistance kabilang ang emergency shelter at shelter repair, malinis na tubig, at sanitation para sa matinding sinalanta ng bagyo sa Region 1 (Cagayan Valley), Region 2 (Ilocos Region), at Cordillera Administrative Region.

Ipinaabot ni EU Commissioner for Crisis Management Janez Lenarčič ang agaran at walang patid na suporta ng EU sa mamamayang Filipino kasunod ng pananalasa ng bagyo na nagresulta sa matinding pinsala at pagkawala ng mga tahanan.

Dagdag nito, nasa mga lugar na naapektohan ng bagyo ang kanilang humanitarian partners para iassess ang pangangailangan ng mga lokal na residente.

Matatandaan, sa huling datos nitong 30 Hulyo, ayon sa National Disaster Risk Reduction Management Council (NDRRMC), mahigit 608,979 indibidwal sa buong bansa ang naapektohan ng malakas na hanging habagat at nagdaang super typhoon.  (GINA GARCIA)