HATAW! D'yaryo ng Bayan hatawtabloid.com
ALAM MO NA!
ni Nonie Nicasio
GAGANAP sa isang challenging na role si Sunshine Cruz bilang prosti sa pelikulang Lola Magdalena. Written by Dennis Evangelista at sa pamamahala ni Direk Joel Lamangan, ito’y pinangungunahan ni Gloria Diaz.
Sa pelikula, ang papel ni Gloria ay isang 70-anyos na si Dalena “Lola” Magdalena. Na kung araw ay albularyo at manghuhula sa harap ng simbahan. Kung gabi aman, siya ay isang prosti.
Mga kapwa ageing prosti rin sa pelikula sina Perla Bautista, Liza Lorena, at Pia Moran.
Ayon kay Sunshine, “It’s the first time that I’m doing something like this, mapateleserye man o pelikula. So, of course challenging at siyempre ay may kaba. Kasi I’ve heard lots of good things about Direk Joel, pero I’ve heard also na mahigpit… estrikto.
“So, kinakabahan ako, but sabi ko nga, I’ll give my best para sa character ko rito. In every work naman na ibinibigay sa akin, ibinibigay ko ang aking one hundred and one percent.”
Esplika ng veteran actress, “I’m playing the role of Miriam, ako ‘yung pinakabatang lola, ako ‘yung pinakapaborito ni Lola Magdalena. Breadwinner ng family na eventually ay magkakasakit nang matindi, magkakaroon ako ng cancer sa movie…”
Ano ang preparation niya para mas maging convincing, dahil hindi pa naman siya lola talaga?
Wika ng magandang aktres, “Unang-una, of course, how to be convincing? With the help of our director, Joel Lamangan. I’m sure naman na maaalalayan ako, and study the script lang, pag-aaralan ko.
“And sa lahat naman ng ginagampanan kong role, of course ginagawa ko naman lahat. Unang-una it is a privilege and honor for me to be working with everyone, para mapili ako for the character,” sambit niya.
Parte rin ng cast sina Angel Guardian, Carlo San Juan, Jim Pebanco, Marcus Madrigal, Harlene Bautista, Dorothy Gilmore, at Joonee Gamboa.
Ang Lola Magadalena ay mula sa Hiro Hito Film Productions na ang executive producer ay si Ms. Amy Zuniga.
