HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAG-ENJOY nang todo ang Viva artist na si Ejay Fontanilla sa pagkakataong ibinigay sa kanya na makapag-guest sa top rating TV series na Abot Kamay Na Pangarap.
Tampok sa serye sina Jillian Ward, Carmina Villaroel, Pinky Amador, Dina Bonnevie, Richard Yap, Allen Dizon, at marami pang iba.
Mula sa pamamahala ni Direk LA Madridejos (main unit), napapanood ito tuwing hapon dakong 2:30 pm.
Sambit ni Ejay, “Hindi ako nagdalawang isip na tanggapin ang role, kasi ang taas ng ratings. Kaya sinabi ko sa handler ko na raraket muna ako sa GMA-7 since bukod sa ang ganda ng role, ‘yung ratings nga po nito, ang tindi, e.”
Aniya, “I played as Arman De Vera here, online publisher na magiging kakampi ni Giselle (Dina B.)
“Kaeksena ko si Ms. Dina Bonnevie lang naman, hehehe. First time ko siya maka-work… at first, kinakabahan ako kasi makaeeksena ko siya. Pero since ally niya ako sa serye, hindi na ako kinabahan, nag-enjoy lang ako na kaeksena siya and ang sobrang bait niya.
“Si Tita Pinky, sobrang excited ako maka-work siya ulit kasi naka-work ko na siya year 2017. And now after 6 years, naka-work ko siya sa highest rating na AKNP.”
Pagpapatuloy ni Ejay, “Sobrang nag-enjoy ako sa guesting ko kasi mabait sila and pinagkatiwalaan ako ni Nanay Marilou na kaya ko ang role. Also si Kuya Mark na staff dati ni Direk Maryo J. (dati kong manager) na nag-refer sa akin kay Nanay Marilou. And they trusted me sa role.
“Kaya noong tinawagan ako, hindi ako nagdalawang isip na tanggapin. Go agad! Kahit ‘di ko pa nakikita yung script. Hahaha! And noong nasa set na, binigyan lang ako ng backstory ni Direk Apreal Vicencio, kaya may idea ako since hindi ako nakasubaybay sa story dahil sa pagiging busy ko.”
-30-
