Pinky aminadong nagulat sa taas ng ratings ng Abot Kamay Na Pangarap

RATED R
ni Rommel Gonzales

BAHAGI si Pinky Amador ng Abot Kamay Na Pangarap na gumaganap siya bilang kontrabidang si Moira Tanyag.

Ang GMA Afternoon Prime series ang isa sa pinaka-nangungunang serye ng Kapuso Network pagdating sa ratings at online views, kaya tinanong namin si Pinky kung ano ang pakiramdam na maging bahagi ng naturang programa.

“Actually, we never expected na magiging ganitong ka-hit ang ‘Abot Kamay na Pangarap.’

“Like, every soap, ‘di ba ang pinaplano riyan 14 weeks, 16 weeks. Actually noong opening namin 18 weeks, pero dahil sobrang ganda ‘yung ratings tapos I guess it’s because it’s the first time na nagkaroon ng medical drama, ‘di ba, it’s a first of its kind, so actually lahat kami nagulat, nagulat kaming lahat. 

“Parang, ‘ano’ng mayroon, bakit ganoon?’ So even ‘yung characters namin, habang nae-extend nagbabago rin, so iyon.

“And it feels great! We’re all so humbled, na parang we have a hit tapos magwa-one year na kami, September 5one year na kami.

“And so far I think we’re extended till then and most probably till after po, kasi tuwing nagpe-present sila sa management… parang hindi na nga tinatanong eh, approved agad. Parang hindi na tinitingnan ‘yung mga number, approved na agad.”

Alam na ba nila kung hanggang kailan ang extension ng Abot Kamay Na Pangarap?

“Actually alam namin but we’re not allowed to say, bawal, alam niyo na,” ang nakangiting rebelasyon ni Pinky.

Pagpapatuloy pa ni Pinky, “With a possibility of another extension, kaya medyo ano, stand-by muna ‘yung mga buhay namin, ‘di ba, stand-by muna, kasi sayang naman, nandiyan na, eh.”