Wednesday , July 17 2024
Nicolas Torre QCPD Joshua Abiad Suspect Photo

Sa pananambang sa media photog
RETRATO NG 2 SA 5 SUSPEK ISINAPUBLIKO NA NG QCPD

INILABAS ng Quezon City Police District (QCPD) sa publiko ang larawan ng dalawa sa limang suspek sa pananambang sa photographer ng online media na ikinamatay ng isang batang babae.

Sa pulong balitaan kahapon ng hapon, ipinakita ni QCPD District Director, PBrig. Gen. Nicolas Torre III, ang larawan ng dalawa na kuha sa CCTV.

Ayon kay Torre, ang isa ay ang positibong gunman habang ang isa ay nagsilbing spotter o lookout.

Sinabi ni Torre III, nagpasya ang QCPD na ilabas  ang larawan ng dalawa upang maalerto ang publiko at tumulong sa pagkakakilanlan ng dalawa.

Sa pamamagitan ng larawan, tiyak na makikilala sila ng kanilang mga kaibigan, kaanak o ng iba pa, at malaking tulong ito sa pulisya.

Ayon kay Torre, kilala na rin nila ang tatlo pang suspek pero bago ilabas ang kanilang mga larawan ay nagsasagawa na sila ng malalimang beripikasyon sa pagkakakilanlan ng tatlo.

Dagdag ni Torre, nasa Metro Manila at karatig lalawigan lamang ang mga suspek.

“Kilala na namin silang lahat, kaya mas mabuti pa ay sumuko na sila lalo na’t alam na namin ang kanilang kinaroroonan. Huwag lang silang manlaban…sila ay ikinokonsiderang armed and dangerous,” pahayag ni Torre.

Samantala, tumanggi munang banggitin ni Torre ang motibo sa krimen.

Matatandaan, tinambangan ng mga armadong lalaki ang photographer na si Joshua Abiad, nitong 19 Hunyo 2023 sa harapan ng kanilang bahay sa Ganza St., Barangay Masambong, QC.

Sugatan sa pananambang si Abiad maging ang kanyang kapatid at dalawang pamangking bata.

Makalipas ang ilang araw, 1 Hulyo, namatay ang isa sa mga bata, edad 4-anyos dahil sa tama ng bala.

Patuloy na nagpapagaling sa isang ospital sa Quezon City ang mga biktima. (ALMAR DANGUILAN)

About Almar Danguilan

Check Also

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …