HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MASUNGIT man siya sa social media, sa personal ay very loveable at masayahin si Bernie Batin.
More than two years ago na nang ma-interview namin si Bernie para sa first movie niya titled Ayuda Babes ng Saranggola Media Productions na pinamahalaan ni Direk Joven Tan.
Dito’y nabanggit ni Bernie na hindi siya makapaniwala na isang ganap na artista na, although labis-labis ang kanyang pasasalamat sa pagkakataong ito.
Si Bernie ay Manic production artist na ngayon na ini-launch nitong June. Kasama niya rito ang mga talented na sina Christi Fider at Shira Tweg.
Ang kilalang social media influencer ay may single na rin, pinamagatan itong Utang Mo at catchy ito kaya cool pakinggan.
Ang single niyang Utang Mo ay hinggil sa taong mahilig mangutang na pagkaraan ay hindi naman marunong magbayad. Ito ay composed by Joven Tan, under Star Music.
“Nakatutuwa po, kasi pinagkatiwalaan ako ng Star Music na magkaroon ng kanta, kaya nagpapasalamat ako sa kanila,” sambit ni Bernie.
Nabangit niyang first time nag-drag costume sa kanilang launching.
Aniya, “First time kong mag-drag dahil ang dami kong napapanood ngayon at ang daming sumisikat na drag queen. So parang gusto kong i-try. After ko mag-make-up, ang ganda ko pala.”
Si Bernie ay isang certified online sensation na may higit five million followers at 40 million likes sa TikTok.
Isa siyang former OFW at naikuwento ni Bernie kung bakit niya naisipang gawing content ang ukol sa masungit na tindera.
“Noong bata pa ako, nakaranas po ako ng mga tinderang masusungit. Sila ang naging inspiration ko sa contents ko,” nakangiting pagbabalik-tanaw pa ni Bernie.
