Sitcom ni Vic sa GMA tsugi na rin?

I-FLEX
ni Jun Nardo

KUMAKALAT sa social media ang tsismis na hanggang August na lang ang sitcom ni Vic Sotto with Maja Salvador at Jose Manalo na Open 24/7.

Hmmm, alam na kaya nila ang tsismis na ito lalo na nga’t sa TV5 na mapapanood ang Tito, Vic and Joey at legit Dabarkads simula sa July 1?

Parang, “It was bound to happen.” Obvious naman ang dahilan, huh!

Eh dalawa ang noontime shows sa GMA simula sa July 1, ang bagong Eat Bulaga at ang It’s Showtime sa GNTV,sister channel ng GMA.

Nasa TV5 sina Vic at Jose at nasa GMA ang sitcom.  Puwede ba ang ganoon sa Kapuso Network?

Ang ibig sabihin, andap din ang GMA sa paglipat sa TV5 ng TVJ, huh! Eh noong inanunsiyo ang pagkawala ng It’s Showtime sa TV5 dahil tapos na ang kontrata nito, at saka naglabasan ang mga post ng host at announcement ang pagtanggap ng GMA sa noontime show ng Dos. Nataon ang lahat sa Media Day ng TVJ sa TV5, huh.

Ang saya-saya ng noontime bakbakan simula sa Hulyo 1, ang anniversary month ng old Bulaga ng TVJ. Ang daming twists and turns.