HATAW! D'yaryo ng Bayan hatawtabloid.com
ni Allan Sancon
MAG-ISANG rumampa si Julia Barretto sa Red Carpet premiere ng kanyang bagong pelikulang, Will You Be My Ex? dahil ang leading man nIyang si Diego Loyzaga ay kasalukuyang nagbabakasyon sa Australia.
Natanong tuloy ng ilang press kung bakit hindi niya isinama si Gerald Anderson sa premiere night para suportahan siya sa kanyang movie
“He is waiting me for dinner after the premiere night, kaya let’s watch na the movie para makapag- date na kami,” ‘yan ang pabirong sagot ni Julia.
Dahil nauuso ang kasal ay naurirat tuloy namin kung may plano na rin ba silang magpakasal ni Gerald?
“In God’s perfect timing,” maikling sagot ni Julia.
Ito ang unang pagkakataon na magkakasama sa isang pelikula sina Julia at Diego at in fairness naman sa kanila ay nakita naman ang chemistry sa big screen habang ginagampanan ang mga karakter nina Chris (Julia) at Joey (Diego).
Istorya ito ng magkasintahang nauwi ang relasyon sa hiwalayan. Ang tanong ay kung magkakabalikan ba silang dalawa o magiging magkaibigan o mag-ex? Aabangan din sa pelikula ang intense kissing scene ng dalawa at maayos naman na pagkakakuha ng kanilang lovescene. Siguradong makare-relate sa pelikula ang mga mag-jowa lalo na ang mga mag-ex!
Makakasama rin sa pelikula sina Bea Binene, ang komedyanteng si Divine Aucina at marami pang iba. This is directed by Real Florido. Palabas simula kahapon, June 21, 2023 in cinemas nationwide.
