HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SA ginanap na launching nina Christi Fider, Bernie Batin at Shira Tweg last week ay nabanggit ni Christi na marami siyang projects na pagkakabalahan, both sa singing and acting.
Sa singing career ni Christi, labas na ang kanyang EP na naglalaman ng four songs, namely, Breakthrough, 3rd Street, Fake, at Reyna na carrier single nito.
Sa pagiging aktres naman niya, aminado siyang magkahalong kaba at excitement ang nararamdaman dahil nakatakda siyang gumawa ng pelikula na makakasama niya sina Nora Aunor at Manila Vice Mayor Yul Servo. Plus, may series pa siya na target maipalabas naman sa Netflix.
Aniya, “Mayroon po akong on going na isang series at isang movie. Iyong movie will be directed by Jay Altarejos and then iyong series will be directed by Cris Pablo.
“Ang series I think may negotiations with Netflix, then iyong movie ay sa mainstream.”
Kuwento pa ni Christi, “Actually noong ibinigay sa akin ni Direk Jay ‘yung script, kasi at first ‘di ko alam na kasama ako sa film. Tapos noong ini-release ko ‘yung trailer ng isa kong song, parang nag-comment siya ng, ‘I have a role for you.’ Tapos sinend niya sa akin ‘yung script and I fell in love with the script.
“So sabi ko, ‘Kaya ko ba itong gawin?’ Kasi very diffrent, sobrang iba talaga. Sobrang magugulat kayo, parang ako’y may kissing scene ganoon. Eh hindi ako ganoon, so very challenging. Pero iyon ‘yung gusto ko, ‘yung tipong hindi ninyo ako makikita roon sa role. So very excited ako and parang feeling ko marami akong matututunan dito,” sabmit pa ni Christi.
Kakabahan ba siya kapag kaeksena na niya si Nora?
“Siyempre sino bang hindi? Siyempre si Ate Guy ‘yun, ang nanay ko, sobrang idol ‘yun. Pero iniisip ko na lang na kaysa kabahan ako, kailangan kong galingan para one take lang ako.
“Kasi akahihiya naman kung uulitin namin ‘yung scene because of me ‘di ba? Kailangan i-give ko more than one hundred percent ko,” nakangiting saad pa ni Christi
