Jeric at Rabiya mas tumibay ngayon ang relasyon

RATED R
ni Rommel Gonzales

LABINGWALONG buwan na pala ang relasyon nina Rabiya Mateo at Jeric Gonzales, kasama na rito ang isang linggong break up nila.

“Parang nag-away lang kami na nagkatampuhan. But because we’re in showbiz, parang everything was blown out of proportion.

“So, totoong nagkaayos na kami, at saka pa lang lumabas ‘yung article na break na kami, this and that.

“So, nag-usap na kami na, ‘Okay, panindigan na lang muna natin ‘to,’

“Because we don’t want to confuse the public and have them say na, ‘Ano ba, gimmick ba nila ‘to?’

“Tapos, noong naging private kami, we fixed ‘yung mga bagay na kailangan naming ayusin,” kuwento ni Rabiya.

Matapos ang kanilang break-up, mas lalong tumibay ang relasyon nila.

“We had to build each other’s trust ulit. We really need to be honest with each other. And during that time na akala ng tao wala na kami, we were building on something.

“Ako po kasi, that time noong wala na, I was looking forward to move on with my life because may trabaho po ako, may pamilya akong kailangang pakainin.

“So, boong bumalik, parang I prayed for it. Parang, sabi ko Lord, it’s gonna be a tough love, it’s gonna be full of challenges, pero kung ito ‘yung taong ibibigay mo sa akin, let me know.

“And then, nagsimba po ako noon and during that time, I know it’s kinda cheesy pero ‘yung service is to love unconditional. You don’t love somebody because…I love you because, ganoon. Pero ‘yung totoong pagmamahal is that, I love you even if,” kuwento pa ni Rabiya.

Gumaganap si Rabiya bilang si Tasha sa Royal Blood ng GMA na eere na simula sa June 19 sa GMA Telebabad.

Bida rito si Dingdong Dantes bilang si Napoy at kasama rin sina Rhian Ramos bilang si Margaret Royales-Castor, Megan Young bilang si Diana Royales, Mikael Daez bilang Kristoff Royales, Dion Ignacio bilang Andrew Castor, Lianne Valentin bilang Beatrice Royales, Arthur Solinap bilang Emil Bañez, Benjie Parasbilang Otep, Carmen Soriano bilang Camilla, Ces Quesada bilang Cleofe, Aidan Veneracion bilang Archie Royales, James Graham bilang Louie Castor, Princess Aliyah bilang Anne, Sienna Stevens bilang Lizzie Terrazo, at Tirso Cruz III bilang Gustavo Royales.

Ang Royal Blood ay sa direksiyon ni Dominic Zapata.