HATAW! D'yaryo ng Bayan hatawtabloid.com
KINOMPIRMA na ng dating manager ni Liza Soberano na si Ogie Diaz na hiwalay na ito kay Enrique Gil.
Sa Showbiz Update nito sa Youtube, tinalakay nina Ogie at kasamang si Mama Loi ukol sa hiwalayan ngLizQuen.
Ani Mama Loi, “Heto na marami ang nagko-confirm na hiwalay na sina Liza Soberano at Enrique Gil! Totoo ba ‘yun ‘Nay (Ogie)?”
Sagot ni Ogie, “Naku, ‘yan na nga ang sinasabi ko. Actually nakarating din sa akin ‘yan na split o break na sina Enrique Gil at Liza Soberano.
“Okay parang nag-ugat ito Loi roon sa mga pronouncement o mga nakaraang interviews ni Liza na never niyang binanggit si Enrique Gil.
“Tapos ‘yung parang hindi pa siya pabor sa pagtatatag ng loveteam, isa rin ‘yun. Kaya nagkaroon ng agam-agam na baka nga wala na sila dahil una, hindi niya ipinagmamalaki ang boyfriend niya, kasi kung ano (sila pa) magpo-post ‘yan si Liza.
“Tapos noong birthday ni Enrique wala ring greeting si Liza online pero nanatiling tahimik sila pareho sa isyung ito. Parang iyon na lang ang kongklusyon ng karamihan lalo na ng mga sumusubaybay ng LizQuen kung wala na ba talaga sila?” mahabang litanya ni Ogie.
“Ang nakarating sa atin ay si Enrique Gil daw ay nagpu-push pa na baka kaya pa o posible pang maituloy habang si Liza ay gusto pa ring tuparin ang kanyang Hollywood dream.
“Isa pang nakadagdag diyan Loi ay ‘yung hindi alam ni Enrique Gil na dumating pala rito si Liza at sinundo siya ng management niya,” sabi pa ni Ogie.
“Sana hindi totoo na hiwalay na sila. Kung mayroon mang hindi pagkakaunawaan sana ma-patch up nila, ilang taon din sila, eight years? Sayang din ‘yun. Ang importante naman sa isang relasyon ay nag-end up kayo as friends o kung hindi man civil,” sambit pa ng dating manager.
