HATAW! D'yaryo ng Bayan hatawtabloid.com
Nasa kritikal na kundisyon ngayon ang isang delivery rider sa San Jose Del Monte City, Bulacan matapos itong maaksidente nang biglang sumabog ang kanyang cellphone habang nasa biyahe.
Makikita sa mga larawang ibinahagi ni Sharwen Ching Tai ang rider na nakahandusay sa kalsada at may paso sa bandang tiyan habang nasa gilid nito ang isang sunog na cellphone.
Sa ulat ng mga awtoridad, sinasabing sumalpok pa sa poste ang rider matapos sumabog ang cellphone nito.
Sa lakas ng pagkakabangga ay nawasak ang motorsiklo at nabasag ang helmet ng biktima na kasalukuyang comatose sa isang ospital.
Ayon naman sa isang beteranong Electrical Engineer, posible umanong pinasukan ng pawis ang cellphone na siyang dahilan ng pagsabog nito..
Pinayuhan naman ng mga eksperto ang publiko na ilagay sa belt bag o anumang ligtas na lalagyan ang cellphone kapag bumibyahe. (MICKA BAUTISTA)
