HATAW! D'yaryo ng Bayan hatawtabloid.com
RATED R
ni Rommel Gonzales
BINASAG na ni Michelle Dee ang kanyang katahimikan. Tinuldukan na niya ang noon pa man ay bulong-bulungan tungkol sa kasarian. Inilahad ni Miss Universe Philippines 2023 na isa siyang bisexual.
Ginawa ni Michelle ang paglalahad sa cover story ng Mega Magazine special issue na inilabas nitong Lunes.
“I definitely identify myself as bisexual. I’ve identified with that for as long as I can remember.
“I’m attracted to all forms of beauty, all shapes and sizes,” lahad ng Kapuso star.
Sinabi rin ni Michelle na lumaki siya sa isang pamilyang puno ng “empowered and strong individuals,” lalo na ang kanyang ina na si Melanie Marquez.
“I grew up in an environment where we’d appreciate pogi, maganda.
“I never had to quote, unquote, come out. I was never really confronted about it by my parents or people who matter,” patuloy ni Michelle.
Matagal na rin siyang tagasuporta ng LGBTQIA+ community.
“Even before coming out, I’ve been attending pride marches. I have too many friends and best friends in the community.
“I’ve been a loud and proud ally. It’s just that I never gave a confirmation [of my sexuality],” saad pa ni Michelle.
Hindi rin niya naramdaman na isyu ang kanyang sexual identity.
“I have so much more to offer the world and the universe than how I identify myself. This is also the reason why I chose not to come out despite the pressure to come out during the competition.”
Sinabi pa ni Michelle na ito na ang tamang oras na ilahad ang kanyang sexual identity.
“When somebody takes away your story, then you should take control of that narrative. Turn it around and make it an empowering story. So that’s what I’m doing,” paliwanag niya.
Lalaban si Michelle (malamang sa Disyembre ng taong kasalukuyan) sa Miss Universe 2023 na gaganapin sa El Salvador.
KASUNOD ng pag-a-out ni Michelle ay naglahad ng kanyang saloobin ang bestfriend at housemate niyang si Rhian Ramos tungkol sa pag-amin ni Michelle na siya ay isang bisexual.
Sa pamamagitan ng kanyang Instagram stories, nag-post si Rhian ng magazine cover ni Michelle sa ginawang pag-amin at may caption iyong, “We love who you are. We love you, bb.”
Sa hiwalay na IG Story, nag-post si Rhian ng black and white selfie nila ni Michelle na may caption namang, “You do you hunhun.”
Nitong nakaraang taon, ikinuwento ni Rhian sa publiko ang paglipat niya ng bahay kasama si Michelle.
ISA pang bestfriend ni Michelle, si Max Collins ang nagbigay ng suporta sa beauty queen.
Sinabi ni Max na proud silang magkakaibigan sa ginawang paglantad ni Michelle na reigning Miss Universe Philippines 2023 na isang bisexual.
Sa Fast Talk with Boy Abunda nitong Lunes, pinag-usapan nina Tito Boy Abunda at Max, ang ginawang pag-amin ni Michelle.
Ayon kay Max, proud silang magkakaibigan kay Michelle dahil hindi ito pumapayag na ibagsak siya.
“We are so proud of her. She never lets anything throw her off,” ani Max. “She’s always had that queen mindset.”
Tinawag pa ni Max na mababaw ang isyung nais gamitin laban kay Michelle tungkol sa sexual identity ng kaibigan.
“She will not let anyone put her down. Specially for something like that… that’s so babaw,” pahayag ni Max na mapapanood na sa Walang Matigas Na Pulis Sa Matinik Na Misis kasama nina Sen. Ramon ‘Bong” Revilla, Jr.at Beauty Gonzalez. Eere ito sa June 4, 7:50 p.m. sa GMA.
