David at Barbie ibinunyag sikreto pagpunta sa isang malamig na lugar 

ITO na ‘yung sikreto na binanggit sa amin dati pa nina David Licauco at Barbie Forteza tungkol sa tanong namin kung saan sila magsa-summer vacation.

Ang pamisteryosong sagot ni Barbie sa amin, sa isang malamig na lugar at kasama niya si David, na sinang-ayunan ng binata.

Trabaho pala ang tinutukoy l nina David at Barbie na hindi pa nila masabi noon ang mga detalye dahil bawal pa.

But now, it can be told. Lumipad na sina David at Barbie papuntang South Korea para simulan ang shooting ng kanilang pelikula na That Kind of Love.

Kaya naman excited na ang fans ng Team BarDa para sa kauna-unahang pelikula ni Barbie at ni David.

Bumiyahe na patungong South Korea noong May 21 ang dalawang Kapuso stars para simulan ang kanilang upcoming romantic comedy film.

Inamin ni David kung gaano siya ka-excited para sa kanilang first big screen project.

“Super excited of course, siyempre it’s with Barbie and such a pleasure to work with her. I’m really excited for that,” pahayag ng guwapong Sparkle male star.

Samantala, pagbalik nina Barbie at David mula South Korea ay sisimulan naman nila ang kanilang susunod na pagbibidahang Kapuso serye.

Ani David dapat abangan ang naiiba niyang karakter.

“Halos lahat ng shows ko, lahat ng mga character ko mostly mayaman. This time it’s different so it’s something to look forward,” lahad pa ni David.